Компанийн том хувьцаа эзэмшигч Д.Оюунжаргал нь 1996 оноос МХБ-ээр дамжуулан компанийн хувьцааг худалдан авч эхэлсэн бөгөөд , 1998 онд Төрийн өмчийн хорооноос зохион байгуулсан, компанийн 33% хувийг дуудлага худалдаагаар худалдах нээлттэй дуудлага худалдаанд оролцож, хувьчилж авсан юм.

    Тус компани 1996 оноос хойш 1750 га эргэлтийн талбайд жил бүр 900-1100 га-д улаан буудай, тосны ургамал тариалалж, улс эх орныхоо хүнсний хэрэгцээнд сайн чанарын улаанбуудай тогтвортой нийлүүлж ажилласан билээ.

    Орхон хөгжил ХК нь түүхэн хөгжлийнхөө бүхий л хугацаанд /Орхон туулын САА байх үеэсээ/ газар тариалангийн, тэр дундаа улаан буудайн тариалалтын чиглэлээр үйл ажиллагаа эрхэлж ирсэн бөгөөд одоо газар тариалангийн төв бүс нутаг буюу Сэлэнгэ аймаг Орхон туул сумын нутаг Чулуут, Ажинт, Чавганцын булагийн  хөндийнүүдэд улаан буудайн тариалалт явуулдаг. Эдгээр газар нутаг нь далайн түвшнээс дээш 680 м өргөгдсөн хүрэн,  хар хүрэн ялзмагт хөрстөй тул буудайн дунд, дунд оройн болцтой сортууд тариалах тохиромжтой бүс нутаг юм.

    Тус компани нь жил бүр тариалсан Дархан-34 сортын Улаанбуудайн талбайд сортын хянан баталгааг тогтмол хийлгэж технолийн шаардлага хангасан үрийг ТЭДС-д тушааж байсан арвин туршлагатай юм. Чингэхдээ олон жил УГТЭШХүрээлэнгээс агро технологын зөвлөмж авч элит сортын үр авч өөрийн үрийн хэрэгцээг хангаж хамтран ажиллаж ирсэн бөгөөд цаашид ч хамтын ажиллагаагаа үргэлжлүүлэх болно. 

Манай компани сүүлийн 5 жил жилд дунджаар 900-1000 га талбайд улаан буудай дагнан тариалж, мөн 700-800 га талбайд уриншийн боловсруулалт хийн ажиллаж байна.

    Түүнчлэн жил бүр улаанбуудай тариалж ургуулах талаар Технологийн карт боловсруулан мөрдөж үйлдвэрлэлийнхээ өртөг зардлын тооцоо хийж ажилладаг. Талбайн түүх хөтөлж хөрсний төлөв байдал, хог ургамалын зүйл төрөл хэмжээ, хэдийн хугацаанд  ямар боловсруулалт, бордоо, гербецид хийсэн болон тариалалт, сэлгээний талаарх талбайн түүхийг тогтмол хөтлөх зэргээр газар тариалангийн үйлдвэрлэлийг технологийн дагуу явуулж байна.

    Компанийн өдөр тутмын үйл ажиллагааг ТУЗ-өөс томилогдсон гүйцэтгэх захирал Дашзэвэгийн Жаргалсайхан 2010 оноос хойш тасралтгүй 7 дахь жилдээ удирдан ажиллаж байна. Д.Жаргалсайхан нь 1981-1986 онд Хөдөө аж ахуй дээд сургуулийг агрономч мэргэжлээр төгссөн бөгөөд 1986-1992 онд Дарханы УГТЭШХ-нд эрдэм шинжилгээний ажилтан, 1992-2000 онд Улаанбаатар хотын хүнсний ногооны зоорийн аж ахуй болох Ундрах УҮГ-т агрономич, 2005-2010 онд "Орхон хөгжил” ХК-ийн зөвлөх агрономч тус тус ажилласан ба 2010 оноос өнөөг хүртэл "Орхон хөгжил” ХК-ийн Гүйцэтгэх захирал бөгөөд ерөнхий агрономчоор ажиллаж байна. 

    "Орхон Хөгжил” ХК нь 2014 оноос Дарханы УГТЭШХ-тэй Дархан-34, Дархан-166 сортын үр үржүүлэх ажлаар хамтран ажиллаж байна. 

Тус компанид мэргэжилээрээ 10-20 жил ажилласан туршлагатай хамт олон газар тариалангийн үйлдвэрлэлийг эрхлэн явуулж улс орныхоо хүнсний аюулгүй байдлыг хангах, ард иргэддээ аюулгүй хүнсний бүтээгдэхүүн нийлүүлэх эрхэм зорилтыг өмнө тавин урам зоригтой ажиллаж байна.

 

Д/д	Үзүүлэлт	Хэмжих нэгж	2012	2013	2014	2015	2016
1	Нийт тариалсан талбай	га	860	858	823	821	852
2	1 га-гаас хураасан ургац	цн	12,86	11,2	19,61	9,05	22,79
3	Нийт хураасан ургац	тн	1106,36	963,1	1614	745	1941,71
4	Борлуулсан улаан буудай	тн	941,36	694,48	1393,26	505,8	1743,29
5	Уринш хийсэн талбай	га	830	820	810	820	850
6	Буудайн борлуулалтын орлого	мян. төг	149,300.09	402,853.44	838,103.55	304,359.48	770,504.15
7	Борлуулалтын өртөг	мян. төг	80,342.32	158,204.41	272,824.20	250,711.50	360,511.20
8	Ерөнхий ба удирдлагын зардал	мян. төг	20,671.51	104,226.40	83,997.20	132,596.74	195,552.87
9	Татварын өмнөх ашиг /алдагдал/	мян. төг	48,286.26	140,422.63	481,282.15	(78,948.76)	214,440.08
10	ААНОАТатвар	мян. төг	2,414.31	4,036.12	24,166.35		12,163.76
11	Татварын дараах ашиг /алдагдал/	мян. төг	45,871.95	136,386.51	457,115.80	(78,948.76)	202,276.32